Imaxes da xornada de clausura. Ángel Hueso fala sobre "O cine e a sociedade en movemento"

Por problemas técnicos coa aplicación Blogger, non se puideron colgar antes as imaxes neste blog. Esta é a ligazón a galería web de Flickr coas imaxes da xornada de clausura, na que o Catedrático da USC, Ángel Hueso falou sobre "road movies" e películas nas que a trama argumental está centrada nos desprazamentos de colectivos ou individuos na charla "O cine e a sociedade en movemento"


Galería web de Flickr

Hoxe, no salón de actos da Fundación Caixagalicia, Ángel Luis Hueso fala sobre "El cine y la sociedad en movimiento"

Hoxe xoves día 25, as 19:00 horas, no salón de actos da Fundación Caixagalicia (Praza de Santa María), clausúranse as IV Xornadas de arquitectura e deseño, coa conferencia de "Imaxe" na que o catedrático da USC, Ángel Luis Hueso fará unha aproximación a diversos casos nos que o cine presta atención a desplazamentos individuales ou colectivos a través de "road movies"ou películas centradas en movementos migratorios.

Máis información na web do COAG

Imaxes da cuarta xornada, con Roberto Goycoolea

Roberto Goycoolea foi este xoves o protagonista da xornada adicada a "Espazo", onde analizou "A estética do labirinto ou a recuperación do espazo urbano" realizando un interesantísimo análisis das estructuras labirínticas a través da historia para rematar comentando o contraste existente entre o urbanismo e a forma de vida nos cascos históricos e das áreas novas das cidades.

NESTA GALERÍA DE FLICKR están colgadas as imaxes con algúns dos momentos desta conferencia.

Hoxe Roberto Goycoolea falará da "Estética do laberinto ou a recuperación do lugar no espazo urbano" no cuarto día das xornadas

Xa na recta final das Xornadas de arquitectura e deseño, Roberto Goycoolea falará hoxe as 19:00 horas no Salón de actos da Fundación Caixagalicia (Praza de Santa María, Lugo) da "Estética do laberinto ou a recuperación do lugar no espazo urbano" analizando o enfrentamento que se produce nas cidades entre a estructura laberíntica dos cascos históricos e as novas áreas perfectamente estructuradas intentando reivindicar as primeiras frente a falta de identidade que se produce en moitas das zonas de recente construcción das nosas cidades.

Roberto Goycoolea é arquitecto pola U. Técnica do Estado de Chile e Diplomado en Socioloxía urbana, ademais de Dr. Arquitecto pola U. Politécnica de Madrid. Foi fundador e director da Escola de Arquitectura da U. de Alcalá ata o 2004 e actualmente é Profesor Titular de Análisis de Formas arquitectónicas nesta Universidade.

Imaxes terceira xornada de Volume, con Mikel Navarro

Na última xornada, de "Volume" o escultor valenciano Mikel Navarro analizou ante o público que se desplazou ao salón de actos da Fundación Caixagalicia moitas das súas obras máis carismáticas, dende as ubicadas nos espazos públicas de diversas cidades europeas e españolas ata as súas metáforas de cidades, expostas en algúns dos museos máis recoñecidos do mundo. 

En ESTA GALERÍA DE FLICKR están colgadas imaxes con algúns dos momentos da xornada (Fotografías realizadas polas alumnas da Escola de Arte Patricia Fernández e Ashley Vázquez)

Hoxe, terceiro día das Xornadas, co escultor Mikel Navarro

Esta semana, a conferencia sobre "Volume" das Xornadas de Arquitectura e Deseño trasládase ao mércores, día 10 de novembro.

As 19:00 horas, no Salón de Actos da Fundación Caixagalicia (Praza de Santa María), o prestixioso escultor valenciano Mikel Navarro, Premio Nacional de Artes Plásticas falará sobre a "Contraposición de volúmenes".

O artista é unha das figuras clave do panorama escultórico actual en España e ten unha ampla obra presente en moitos dos museos máis emblemáticos de arte contemporánea, como o Museo Guggenheim de Nova York, o IVAM, o Museo Nacional Centro de Arte Reina Sofía de Madrid, o Centro Georges Pompidou de París, o MACBA, o Mie Prefectural Art Museum de Mie (Xapón) ou o Guggenheim de Bilbao.
Máis información de Mikel Navarro e da Xornada, AQUÍ, na Web do COAG de Lugo

Imaxes da segunda xornada de "Comunicación", con Mario Eskenazi

O pasado xoves, Mario Eskenazi ofreceu ao público que se desplazou ao Salón de actos de Caixa Galicia unha interesante análise da relación existente entre "Comunicación e itinerario" comentando algúns dos seus traballos máis destacados.

En ESTA GALERÍA DE FLICKR están colgadas imaxes con algúns dos momentos da xornada (Fotografías realizadas polas alumnas da Escola de Arte Fany Vázquez e Begoña Pérez)

Mario Eskenazi falará hoxe as 19:00 no Salón de actos Caixa Galicia sobre "Comunicación e tinerario"

O arquitecto e deseñador arxentino Mario Eskenazi, Premio Nacional de Deseño no ano 2000 foi o encargado de realizar, entre outras, a Identidade Corporativa do Banco Sabadell, a dos Servizos de Mantemento e Limpeza/BCNeta! do Ajuntament de Barcelona ou a do do Centre Cultural Blanquerna (da Generalitat de Catalunya).


Hoxe comentará a súa visión sobre "Comunicación e Itinerario", nunha xornada que promete ser realmente interesante -Salón de Actos de Caixa Galicia, na Praza de Santa María (Lugo)-.


Dende aquí pódese acceder á web de Mario Eskenazi, onde se poden visualizar algúns dos seus traballos.

Imaxes da primeira xornada sobre "Territorio", con Juan Requejo

Onte deron comezo, no Salón de actos de Caixa Galicia as IV Xornadas de Arquitectura e Deseño.

Alberte González e José Carreira, do Colexio de arquitectos de Lugo e e Esther Muñoz da Escola de Arte Ramón Falcón foron os encargados de inauguralas. 

Despois, o xeógrafo e economista Juan Requejo deu unha intersantísima conferencia sobre como "A mobilidade recupera a escala humana da cidade". 

En ESTA GALERÍA DE FLICKR están colgadas imaxes con algúns dos momentos da interesante charla que ofreceu (Fotografías realizadas polos alumnos da Escola de Arte María Díaz e Guillermo Dacal)

Presentamos "Itinerarios: IV Xornadas de arquitectura e deseño"

A Comisión de Cultura da Delegación en Lugo do Colexio Oficial de Arquitectos de Galicia e a Escola de Arte e Superior de Deseño Ramón Falcón de Lugo, comezan a colaborar no ano 2004 coa organización das 1ª Xornadas de Arquitectura e Deseño, e dende entonces leváronse a cabo de maneira bianual e continuada novas edicións nos anos 2006, 2008, e agora,  este ano 2010.

En edicións anteriores as xornadas organizáronse en bloques temáticos, as escalas do deseño: urbanismo,arquitectura, deseño interior,deseño gráfico, pintura,cerámica e fotografía. De maneira recurrente cada edición deixouse guiar por un leitmotiv  distinto así xurdiron “Cascos históricos (2004”),  “Ruralmente: novos xeitos de entender o rural (2006)” e  “Periferias (2008)”. Como  fin dun ciclo falta a rede que comunica, o fío que o cose todo: os camiños, as rutas, os percorridos,... os “Itinerarios (2010)”.

As presentes xornadas “Itinerarios(2010)” son ordenadas en cinco novos conceptos que barren ámbitos comúns a Arquitectura e o Deseño: o territorio, a comunicación, o volume, o espacio e a imaxe.


Juan Requejo falará sobre "Territorio" o día 28 de outubro de 2010


Mario Eskenazi falará sobre "Comunicación" o día 4 de novembro de 2010


Miquel Navarro falará sobre "Volumes" o día 10 de novembro de 2010


Roberto Goycoolea falará sobre "Espazo", o día 18 de novembro de 2010


Ángel Hueso falará sobre "Imaxe", o día 25 de novembro de 2010

Lugar: Salón de Actos de Caixagalicia, (Pz. Sta. María Lugo)

Horario:19:00

Entrada libre

Territorio, Xoves 28 de outubro

Juan Requejo Liberal (xeógrafo e economista)

A mobilidade  recupera a escala humana da cidade 

Juan Requejo Liberal defínese a se mesmo como consultor de planificación.

É socio director de dúas empresas consultoras sevillanas: Asistencias Técnicas Clave (Medio, enerxía e turismo) e Areal Grupo Consultor (ordenación do territorio e políticas públicas). Dirixiu uns 25 plans, entre eles os recentes plans de turismo, de industria e de enerxía e dez plans de ordenación do territorio. No momento presente está ocupado coa ordenación turística de Asturias e a ordenación territorial do Campo de Xibraltar, así como a reflexión sobre cambio climático e turismo nunha comisión nacional. Asesorou varios gobernos e organismos internacionais, imparte docencia en catro másters (urbanismo, espazos naturais, turismo e renovación urbana) e conta con nove publicacións independentes, ademais de varios artigos.

Comunicación, Xoves 04 de novembro

Mario Eskenazi (arquitecto/deseñador gráfico)

Comunicación e Itinerario

Nace en Bos Aires (Rep. Arxentina). Arquitecto. Forma parte do equipo de deseño de TV Canle 10 (Rep. Arxentina). Reside en España desde 1971. Foi profesor na Escola de Arquitectura de Las Palmas de Gran Canaria (1973-1974) e dende 1975 ata 2003 impartiu clases de deseño en EINA e Elissava (Barcelona).

Volume, Mércores 10 de novembro

Miquel Navarro (escultor/premio nacional de Artes Plásticas)

Contraposición de volumes

 Nace en Mislata (Valencia) o 29 Setembro de 1945.Vive en Mislata Estuda na Escola Superior de Belas Artes de San Carlos de Valencia. Comeza a súa carreira como pintor e dende 1972 dedícase case exclusivamente á escultura. Xeralmente o seu traballo caracterízase pola recreación da paisaxe escultórica sendo o tema da cidade o máis significativo.

É moi frecuente nos meus traballos a contraposición de volumes e tamaños do seguinte xeito: o grande e o pequeno. Cos seguintes significados: abismais, de poder, potencia, submisión, totémico e sagrado.Nas miñas montaxes tamén existe a contraposición do vertical e o horizontal, metáforas das cidades.
Volumes ocos e baleiros, pechados hermeticamente ou entreabertos.A casa como útero, refuxio, oco, o cóncavo e o convicto.Volumes macizos, máis propiamente da escultura que da arquitectura.Diferenzas entre escultura e arquitectura. O inútil e o funcional.A arquitectura dos acantilados.Vertixe, abrigo, medo ao descoñecido, busca deste.

Espacio, Xoves 18 de novembro

Roberto Goycoolea (arquitecto/profesor)

A estética do labirinto ou a recuperación do lugar no espazo urbano 

Arquitecto pola OU. Técnica do Estado, Chile (1983), Diplomado en Socioloxía Urbana, OU. de Concepción (1983), Dr. Arquitecto, OU. Politécnica, Madrid (1992). Experiencia académica: Coordinador do Doutorado Internacional en Arquitectura e Urbanismo (México-España, 1994-98). Fundador (1994) de Escola de Arquitectura da OU. de Alcalá e Director desta ata 2004. Actualmente é Profesor Titular de Análise de Formas Arquitectónicas. Liña de investigación principal: concepción e percepción do espazo habitable. Publicacións de artigos, obras e proxectos en revistas de 11 países.

 O mito do enfrontamento entre o Minotauro encerrado no seu tortuoso cárcere arquitectónico e os racionais Teseo e Ariadna expresa con claridade a longa loita entre dúas estruturas mentais opostas. A escuridade dos complexos pensamentos animistas fronte á claridade da abstracción especulativa grega. Dunha ou outro xeito, este enfrontamento estivo presente na historia posterior da filosofía, a estética e a cidade occidental.
Partindo desta idea, o obxectivo da presentación é dobre:
a. Por un lado, expoñer as características de cada un destas estruturas de pensamento e a súa influencia na historia da cidade e a arquitectura occidental.

b. A partir de aquí, propoñer unha reivindicación da estética do labirinto e os seus percorridos como unha forma de abordar a falta de sentido de lugar e identidade que asola a moitas zonas das nosas cidades.

Imaxe, Xoves 25 de novembro

Ángel Hueso Montón (catedrático historia da Arte)

O cine e la sociedade en movemento urbano

Angel Hueso Montón nace en Madrid, en cuxa Universidade Complutense se Licenza e Doutora en Filosofia e Letras (sección de Historia; ano 1974).

Incorporouse á Universidade de Santiago de Compostela no ano 1979 tras gañar a oposición a Adxunto de Historia do Cine; dende 1990 é Catedrático de Historia da Arte (Historia do Cine) da Universidade de Santiago de Compostela.

Os testemuños sociais sobre o século XX que nos deixou o cine son moi amplos e fóra de toda dubida. Dentro deles adquiren unha especial significación aqueles nos que grupos sociais ou individuos de xeito illado realizan un desprazamento.
Mentres que os primeiros fan mención, fundamentalmente, aos movementos migratorios, orixinados por causas de todo tipo (crises económicas, condicións de vida, represións políticas, guerras, etc.), os segundos coñecéronse baixo a denominación xenérica de "road movies" (ou películas de estrada).
A través deles ofrécensenos testemuños de situacións sociais moi concretas, nas que as persoas non só se desprazan fisicamente senón que experimentan unha evolución psicolóxica de especial importancia. Comentaremos algúns dos casos máis significativos que quedaron como emblemáticos na historia do cine.